Sondag 22 Mei 2022 – Die aand terwyl ek voor die spieёl staan en room aan my gesig smeer, sê ek die volgende woorde: Dit is nie meer lank nie. Dan gaan ons huistoe.
Ek het dit vir my man vertel en vir hom gesê, dat die huistoe ons hemelse huis is en die Here se koms is naby.
Die volgende oggend 23 Mei 2022 terwyl ek bybelstudie doen, lees ek die volgende in Jakobus 5:8 – Julle moet ook geduldig wag en moed hou, want dit is nie meer lank nie, dan kom die Here.
Ek het dadelik geweet, dat dit ‘n bevestiging is. Ek is besig om deur die Nuwe Testament se boeke te lees en was besig met die boek Jakobus. En vir Maandag moes ek Jakobus 5 lees.
Die Here het Woensdag die 25ste Mei 2022 vir my die volgende gesê:
“Waarop fokus jy My kind, fokus op My. Die tyd raak min. My koms is naby en Ek staan by die deur. Soek My aangesig terwyl dit nog te vinde is. Moenie jou fokus plaas op die wêreld se gebeure nie. Alles gebeur soos dit moet.”
“Die wat wakker is, kan die tekens van die tye sien. Hulle oё is oop en hulle weet hulle Redder is oppad. Hou dus jouself besig met die dinge wat belangrik is vir jou, deur jou oё te rig op My. “
“Moenie bekommerd wees wat rondom jou gebeur nie. Ek het dit reeds bestem en die uiteinde gaan so groot wees. Dit gaan alle verwagtinge oortref. Moenie probeer sin maak wat besig is om te gebeur nie. Alles is alreeds opgeteken in die skrif.”
“My heerlikheid gaan oor die aarde skyn. My lig gaan die aarde verhelder en almal sal My sien. Die wat gewag het vir My, met hulle oё gerig na bo gaan oorweldige blydskap ervaar. Maar die wat nie gewag het nie, gaan bewoё staan. Want dan sal hulle besef die skrif is vervul.”
“Wees dan blymoedig en hou aan volhard My kind. Moenie opgee nie, die uitkoms is naby. Nog net ‘n rukkie, voordat Ek julle kom haal. My kinders dit is tyd om huistoe te gaan.”